CÜI DAL CANTÓN DI CAMP.

di Livio Rossetti




Da culur gh'è ’l bianch e ’l viola
E ghè anca un pò ’d marón
...na belèssa,...va che roba
i culur dal mè cantón.

Quand l’è dì ti guardi int l’aria
...rundalini a tüti i uri.
E l’è bèl, anca vèrs sera
Ved vulà i rativuluri.







Ma la roba püssè bèla,
l’è la gent 'me l’è cuntenta.
Prima i sùnan la ghitara,
e 'd furchèta pö’ igh dàn denta.

A cüntav una cüntula
dal parchè da st’alegrìa
mi gh'avrissi anca n’idea
ma ...stì atent...l’è mà la mea.



Tanti da cüj ch'i cugnussi,
s’ han fai òman,...chì hin cressü.
A l’asilu ...e dopu a scola,
'me l’è bèla giuventü.

Suma dì che chì i hin alégar,
e ’l parchè i sì mia capì?
...Dèss v'al disi e im disarì,
eh già si, l’è propi insì.







Al cantón l’è già ’n campagna
E la vita l’è insì bèla,
parchè, 'pena fo' dla porta
l’è 'me vess...in campurèla.