DÜBIUS
di Livio Rossetti
Són da Vèvar?…Rassa püra?
Và che dübi ch’a m'ha gnü.
L’è 'me 'vegh un ciod in tèsta,
i na podi propi pü.
Són andai dal mè papà
La savrà ben da sicür.
Lü m’ha dì da si ma mi,
l’è 'me sbàtam cuntra ’l mür.
Són cinìn, và ben, e alùra,
quala l’è la diferensa,
da vidé un nustran da Vèvar
oh …par dì,…vün da Cunfiensa?
Són andai là dla mè dona
Le ’m cugnussa par dabón.
Dìsal tì s'i smeij ’d Vèvar,
o si smeij dal Cantón.
Le gh’ha pensà sü ’n minüt,
m’ha guardà davanti e dré
Pö, l’è sarculà la tèsta
E m’ha dì “ TI SÈ ’N PURSCÉ”.
DÜBIUS
