Cume na foja …
|
Im senti cume na foja gialda,
cunt i ragg dal sùl ch’i pàssan in mès di ram,
bèla, int una matina frèsca.
Am sembrava da vess al padrón dal mund,
là, inscima ad un ram da nus,
i duminavi al pra d’una part e al canal a-dl’altra.
I üslin ogni tant is setàvan visin, i giràvan al bèch e i öcc
da chì e da là, pö i fasévan na sübiada tüti cuntent.
Dopu i vulàvan via a cercà da mangià.
E mi sémpar là, a guardà al mund suta da mi.
Una matina però l’è rivà la brisa e un vent,
prima dasi dasi, e dopu un pò püssè frèd, un pò püssè fort.
Mi i m’ho tacà fort al ram, cunt tüti i mè forsi;
par un pò ho resistù, ma un culp da vent püssè fort
a m’ha fai bürlà giò.
Insèma mi, sül pra, tanti àltar foji,
gialdi, russi e da tanti àltar culur.
Nissuna a vureva parlà,
is guardàvan int i öcc,
ma nissuna a vureva tacà butón.
Urmai i suma morti. Urmai i són mort cume i àltar.
La mè esistensa l’è stai bèla ma l’è dürà trop poch.
I vurevi vidé cus a cambiava int a stu paes,
ma ho mia fai temp.
Tüt l’è restà cume i l’avevi vist la prima volta,
quand i són nassù.
Forse anche cüj ch’i sémbran viv, i hin mort,
prima ancura da nàss, e i la sàn mia.
Is dàn da fà par gnenta, i rüsan tüt al dì,
is mètan mia dacordi, e gnenta al cambia.
Oh Vèvar, cume ti sè cunscià mal!
|
Come una foglia …
Mi sento come una foglia gialla,
con i raggi del sole che passano in mezzo ai rami,
bella, in una fresca mattina.
Mi sembrava di essere il padrone del mondo,
là, in cima ad un ramo di noce,
da una parte dominavo il prato e dall'altra il canale.
Gli uccellini a volte si posavano vicino, giravano il becco e gli occhi
a destra e a sinistra, poi cinguettavano tutti contenti.
Dopo volavano via alla ricerca del cibo.
Ed io sempre là, a guardare il mondo sotto di me.
Una mattina però è arrivata un'aria gelida e un vento,
prima leggero, e dopo un po' più freddo, un po' più forte.
|
Io mi sono aggrappata al ramo, con tutte le mie forze;
per un po' ho resistito, ma un colpo di vento più forte
mi ha fatta cadere giù.
Con me, sul prato, tante altre foglie,
gialle, rosse e di tanti altri colori.
Nessuna voleva parlare,
ci guardavamo negli occhi,
ma nessuna voleva iniziare a parlare.
Ormai siamo morte. Ormai sono morta come le altre.
La mia esistenza è stata bella ma è durata troppo poco.
Volevo vedere cosa cambiava in questo paese,
ma non ho fatto tempo.
Tutto è restato come l'avevo visto la prima volta,
quando sono nata.
Forse anche quelli che sembrano vivi, sono morti,
prima ancora di nascere, e non lo sanno.
Si agitano per niente, litigano tutto il giorno,
non si mettono mai d'accordo, e niente cambia.
Oh Veveri, come sei ridotto male!
|
Cume na foja …